Greiðsluaðlögun.

Væri ekki málið að setja svona fyrirtæki bara í greiðsluaðlögun (lengja lánstímann og þess háttar, hirða hverja einustu krónu sem kemur í gróða hjá því í afborganir) frekar en að afskrifa skuldir þeirra eins, fyrst að almenningur á að geta gert þetta þá ættu þessi fyrirtæki að geta það líka ekki satt?

Aðferðir alltaf umdeilanlegar

Þegar Steini er búinn..

Vona að hann hafi tekið álfinn með sér og hafi ekkert fyrir því að koma aftur til baka, held það væri best fyrir land og þjóð!! 

En annars las ég ansi skemmtilegann pistil eftir smáfuglana á AMX um hann Steingrím.

http://www.amx.is/fuglahvisl/10153/

Mæli með þessari lesningu.

Steingrímur til Tyrklands

Furðuleg rök fyrir þessu.

Hann segir jafnframt í samtali við mbl.is að sl. sumar hafi orðið til dómafordæmi í svokölluðu DC++ máli. Það að gera öðrum kleift að brjóta höfundarrétt geri menn meðseka í þeirra brotum.

Er þá ekki með sömu rökum hægt að kæra Apple og Microsoft fyrir það að framleiða stýrikerfi sem gera öðrum kleift að brjóta höfundarrétt?

Er þá ekki hægt að kæra framleiðendur vélbúnaðar fyrir það að framleiða t.d. skjái, lyklaborð og tala nú ekki um tölvuna sjálfa sem gerir öðrum kleift að brjóta höfundarrétt?

Er þá ekki með sömu rökum hægt að kæra t.d. Símann fyrir það að gera öðrum kleift að brjóta höfundarrétt?

Er þá ekki hægt að kæra þá veitu sem færir þér rafmagn í tölvuna þína fyrir það að gera þér kleift að brjóta höfundarrétt?

Geta þeir ekki líka bara kært höfundana fyrir það að búa til efnið sem gerði öðrum kleift að brjóta höfundarrétt?

Og ekki má gleyma því að kæra persónuna sem fann upp þá staðla sem gera notendum kleift að tengja sama tölvurnar sína og þar með gera öðrum kleift að brjóta höfundarrétt!!

SMÁÍS kæra ólöglega dreifingu

Silfur Egils

Fyrir þá sem ekki sáu þennann þátt (27.09.09) þá mæli ég með því að þið skoðið hann, hjá honum var maður sem heitir Guðmundur Franklín.

Þarna var maður sem vissi alveg hvað er í gangi hér á klakanum.

Góðar fréttir.

Gaman að sjá jákvæðar fréttir þarna á ferðinni, vona að þetta gangi allt saman vel hjá henni.

Sorglegt að vita af því að George Bush notaði neitunarvald til að banna stofnfrumu rannsóknir í sínu heimalandi, sérstaklega þar sem stofnfrumur geta samkvæmt nýjustu rannsóknum gert í raun við hvaða hluti sem er, þ.e. orðið að hvaða frumu sem er í líkamanum.

Sýnist að vísindamenn á Indlandi hafi ekki gert sömu vitleysu í sínum málum og hafa greinilega eytt einhverjum tíma í að rannsaka stofnfrumur nánar, sem eru mjög góðar fréttir.

Farin að ganga með spelkur við göngugrind

Furðuleg ályktun.

Þessi "óháða" ályktum bí þar sem fyrrum blaðamaður mbl fer við stjórnvölin er í besta falli furðuleg, ef einhver trúverðugleiki var með bí þá er hann farinn.

Merkilegt hvað fjölmiðlafólk er duglegast við að misnota stöðu sína þegar eitthvað er gert gegn þeirra vilja, sama hversu ómerkilegt það er.

Er ekki mál að heimta afsögn stjórnar bí.

Harmar uppsagnir

Fyrir viku eða svo hefði mig aldrei grunað að Davíð væri að fara setjast í þennan stól.

Eftir að útrásarliðið kom fingrunum í fjölmiðla landsins þá hefur varla verið hægt að taka mark á þeim síðan, það verður spennandi að sjá hvernig þeim Davíð og Haraldi tekst til, þó það sé ekki nema til að kynna hina hliðina á málinu, þar sem stefna stærstu fjölmiðlanna hefur verið einstefnuleg í átt að ESB og evrunni með sf og vg sem farþega.

Eflaust margir sem eru mér ósammála en svo verður bara að vera.

Davíð og Haraldur ritstjórar

Spennandi fréttir.

Þetta eru vissulega spennandi fréttir, nú þarf bara að leggja land undir fót og byggja þarna stöð.

Með stöð á tunglinu þá veit maður aldrei, geimöldin gæti farið að taka við sér og miklar framfarir í þeim fræðum gætu farið að líta dagsins ljós.

T.d. ef rétt reynist með samrunaorkuna helíum-3 á tunglinu, þá erum við hugsanlega í góðum málum með hreina orku, þ.e. um leið og það finnst góð leið til að vinna þetta efni af yfirborðinu, en það er eflaust auðveldara að kynna sér það á staðnum heldur en hér heima.

Vatn fannst á tunglinu

hugsanlegur mesti skaði af Icesave-skuldbindingunum 333 milljarðar, síðan hvenær?

Þrisvar sinnum hærri en Icesave

Til að setja hlutina í samhengi má nefna að þær skuldir sem Baldur segir að hvíli nú aukalega og að óþörfu á þjóðinni vegna hruns krónunnar, umfram langtíma-jafnvægisgengi, um þúsund milljarðar króna, eru væntanlega um þrisvar sinnum hærri en hugsanlegur mesti skaði af Icesave-skuldbindingunum.

Ég man ekki betur en að einn hugsanlegur skaði af Icesave hafi verið yfir 3000 milljarðar króna í einni spánni, viðurkenni að ég man ekki hver setti þessa spá fram en rámar í Íslenskan kauða með menntun frá London school of economics.

Vissulega voru þetta svartsýnustu spár þar sem lítið komst upp í skuldirnar út frá sölu eigna Landsbankans og að því viðbættu væri afleiddur kostnaður vegna annara hluta sem hafi gert heildar upphæðina yfir 3000 milljarða, versta við þessa spá var það að viðkomandi gaf ágætis rök fyrir því að svona gæti orðið.

Þrátt fyrir að vera ósammála því að eina vonin sé að taka upp evruna þá vona ég okkar allra vegna að hann Baldur hafi frekar rétt fyrir sér en sá síðarnefndi hér er varðar Icesave partinn.

Erlendar skuldir 30% of háar

Þá vitum við það..

Ég veit að í íslenskum fjölmiðlum hefur verið talað um 2024 mörkin en
okkar afstaða er sú að peningarnir verði að skila sér á einn hátt eða annan

Er þetta ég eða virkar þetta á mann á eftirfarandi máta "pay up or else".. 

Hver einasti aur verður sóttur sama hvernig það verður gert, og eftir lestur á samningnum þá eru hollendingar og bretar búnir að tryggja sér all nokkrar leiðir til þess að ná þessu öllu til baka, og eftir þennan lestur á fréttinni þá skiptir engu máli hvaða afleiðingar það hefur fyrir okkur Íslendinga.

Hollendingar bjartsýnir