Merkilegt að þetta skuli vera fréttnæmt.

Það er ótrúlegt að horfa upp á flestar fréttir þegar verið er að lækka eldsneyti því þetta er svo ótrúlega ómerkilegar fréttir, hér er lækkun um á heilar 3 krónur, já góðir hálsar ÞRJÁR krónur af 237 krónum, þetta þýðir lækkun upp á ~1.3%, það kostar mig meira að eltast við stöðina sem var að lækka eldsneytið heldur en að fara á þá stöð sem er næst mér þótt að eldsneytið sé 3 krónum dýrara!!

Af hverju eru ekki fréttir þegar aðrar verslanir lækka sínar vörur um 1.3%, hvað gerir þeirra vörur ómerkilegri, afhverju fá þessar verslanir ekki ókeypis auglýsingu í blöðunum....

Olíufélögin hafa vanið of marga á það að nokkurra króna lækkun sé efni sem er verðugt á forsíðuna í öllum blöðum landsins.... eitthvað sem er mér gjörsamlega óskiljanlegt að viðgangist og hvað það eru ótrúlega margir sem hlaupa til að kaupa sér eldsneyti þegar svona ómerkilegar fréttir koma fram.

Eða er þetta bara ég sem hugsa svona??

Atlantsolía lækkar eldsneytisverð