Ef minnið er ekki að bregðast mér...

Stefja er nú þegar í notkun í tölvuheiminum, þetta orð er notað yfir svokallað "function" þegar kemur að forritun.

Það er spurning hvort að þetta valdi ekki ruglingi ef það á að nota það, sérstaklega þar sem það yrði í notkun hjá þeim hópi sem hvað mest tengist þessum hlutum, þ.e.a.s þeir sem vinna við að búa til stefjur í "stefjum"! 8)

Munu landsmenn hrósa „appi“?

Athugasemdir

[Maelstrom, 22.6.2012 kl. 12:03]

Eins og þú segir, þá er stefja <> application.  Stefja er function/procedure, þ.e. hjúpaður forritsstubbur.

Application = forrit

Þurfum við endilega þýðingu á "app"?  Þetta er líka forrit og ekki endilega nauðsynlegt hafa sérstakt nafn yfir þetta.

App er ekkert endilega smáforrit.  Þetta er bara stytting á orðinu application.  Í augnablikinu eru kannski forrit á mobile tækjum minni heldur en forrit á borðtölvum, en það mun breytast.  Eftir nokkur ár verða komin "app" í fullri stærð sem keyra á afar öflugum mobile tækjum, og þá verður það asnalegt að kalla þau "smáforrit". 

[Halldór Björgvin Jóhannsson, 22.6.2012 kl. 12:18]

Já, það er nú einmitt málið, þarf að þýða orðið þegar það er nú þegar til Íslenskt orð yfir það?, þ.e.a.s forrit.

[Óskar Arnórsson, 23.6.2012 kl. 06:37]

... best væri að leggja íslenska málið niður og taka upp stórt mál í staðin. Íslenska málið getur aldrei annað tjáningarþörf framtíðarinnar á mörgum mikilvægum sviðum og málaflokkum ...

[Halldór Björgvin Jóhannsson, 23.6.2012 kl. 09:09]

Þú segir nokkuð Óskar, það myndi náttútulega auðvelda margt ef það væri einungis eitt tungumál sem notast væri við hér á plánetunni. 8)

[Óskar Arnórsson, 23.6.2012 kl. 10:10]

Ég held að tungumálið okkar einangri okkur frá allt of mörgu. Það ætti að duga sú staðreynd að við eru eyjabúar og sú landfræðilega einangrun er alveg nóg. Lífið má ekki bara snúast um lífsgæðakapphlaup, leit að öryggi í gegnum peninga, fræðimennsku og grúsk í smáatriðum sem engu máli skiptir. Ég á ekki við að hugsa svo langt að það sé bara eitt tungumál í öllum heiminum sem að sjálfsögðu myndi leysa mörg mál, heldur að þessi íslenska micróþjóð færi að taka þátt í stærra tungumáli sem myndi leysa hana að hluta til úr álögum hugarfarslegrar einangrunnar...

[Halldór Björgvin Jóhannsson, 23.6.2012 kl. 16:20]

Að mínu mati þá er þetta í raun ekki mikið vandamál, flest allir íslendingar er vel mælandi þegar kemur að ensku og mjög oft norsku/dönsku/sænsku ásamt mörgum öðrum tungumálum.

Það að við kunnum íslenskuna hjálpar mjög þegar kemur að því að læra annað norðurlandamál, enskan kemur oft til að byrja með frá miðlum (t.d sjónvarpinu, blöðum eða internetinu).

Einnig tel ég að það sé mjög gott fyrir okkur að vera með eigin tungumál verandi smáþjóð, því það ýtir undir kunnáttu á fleiri en einu tungumáli þar sem íslenskan er hvergi notuð nema hér á klakanum, síðan þegar kemur að því að við íslendingarnir flytjum erlendis þá erum við held ég líklegri til að taka upp tungumálið á staðnum, svona æfingar eru, myndi ég segja ekkert nema góðar fyrir heilann.

En auðvitað eru þetta bara mínar skoðanir á því máli 8)